Game 8: Poem about Each Other

Today we played a game to write a poem about each other. We had altogether 4 participants (me, my wife, my elder sister, and my niece). We had to choose a partner to write about him/her, but we couldn't choose as per our will. So, we did P-A-S-S (a quick game to choose a partner). I got to write about my sister (Parbati) and vice versa, and my wife (Narayani) got to write about my niece (Aashriya) and vice versa. The rule was, the poem should be of atleast two verses, and it should describe major qualities of a person.

Radha Krishna Parajuli

मेरी दिदी

फाइनान्समा जागीरे हुन् गर्छिन् धेरै काम,
चक्रपथमा बस्छिन् उनी पार्वती हो नाम,
मोटो ज्यान होचो उचाई रूप गहूँ गोरी,
सून्दरताले भरिएकी प्यारी दिदी मेरी ।

हिल जुत्ता, जिन्सको प्यान्ट, फेसनेबल ड्रेसअप,
उमेर ढल्की गएपनि गर्छिन् केही मेकअप,
सबै सँग मिल्छिन् उनी सबलाई माया गर्छिन्,
मीठो बोली मुस्कान धरी सबको मन जित्छिन् ।

उमेरले त जेठी तर खेल्छिन् हामी सँग,
रच्छिन् गीत 'भाई' भन्दै सबलाई पारी दंग,
'दिदी' भनि मैले पनि गहिरेर सोचेँ,
विगतका माया सम्झी यही शब्द पोखेँ ।।

Parbati Nepal

मेरो भाई

भाई मेरो गोरे गोरे कति अग्लो भाको,
पढ्न पनि राम्रै राम्रै आई टि तिर गाको,
विदेश जान्न भनि कन यतै बसी पढ्यो,
भेजिटेरियन मेरो भाई कम्प्यूटरमा बढ्यो ।

लुगा लाउँछ सिम्पल सिम्पल नपरेको दुलो,
सानो फेमिली सानै जागीर तर मन छ ठूलो,
सिम्पल बाँच्ने सादा जीवन उच्च विचार उनको,
नाम चल्छ उदारणमा राधा कृष्ण इनको ।।

Aashriya Nepal

मेरी माईजू

पैलै देखी नभेटेको नाता हाम्रो नयाँ,
माइजू मेरो सारै राम्री सबलाई गर्छिन् माया,
मान्छे उनी दुब्ली दुब्ली अनि हल्का होचो,
आवाज उनको सारै मिठो मान्छे पनि सोझो ।

जाँगर भए जे नि गर्छिन् नत्र अल्छी मान्छिन्,
राम्रै काममा अघि बढ्छिन् नराम्रोलाई त्याग्छिन्,
फार्मेसी छ आफ्नै नामको सेवा गर्छिन् सबको,
सँधै रम्नु पर्छ भन्ने विचार उनको मनको ।।

Narayani Paudel

मेरी भान्जी

कपाल उनको छोटो छोटो मान्छे उनी गोरी,
राम्रो मान्छे साथी उनको बानी व्यहोर हेरी,
घुमफिर गर्न मनपराउँछिन् साथी भाई सँग,
क्यारीकेचर गरी उनले पारिदिन्छिन् दंग ।

मेरी भान्जी सबको प्यारी चुलबुले सानु,
भन्ने गर्छन् सबले उनलाई माया गरी नानु,
नाच्न गाउन मन पराउँछिन् पढाई पनि राम्रो,
मामा-माइजू सम्झी आउने प्यारी भान्जी हाम्रो ।।

Conducted On: July 30, 2021